Van der Sar: Ég spilaði kannski einum leik of mikið

Edwin van der Sar, markvörður Manchester United, lék sinn síðasta leik á ferlinum í dag þegar United tapaði 1-3 fyrir Barcelona í úrslitaleik Meistaradeildarinnar á Wembley.

„Ég spilaði kannski einum leik of mikið. Það er aldrei gaman að tapa. Þeir fengu betri færi en við og þeir refsuðu okkur fyrir nokkur mistök sem við gerðum," sagði Edwin van der Sar.

„Við urðum að skora fyrsta markið en það tókst ekki. Auðvitað vildi ég ekki að síðasti leikur minn endaði svona en maður ræður víst aldrei hvernig hlutirnir fara í fótboltanum," sagði Van der Sar.