Það er lítil hamingja í herbúðum Barcelona með ummæli José Mourinho, þjálfara Real Madrid, eftir leik liðanna í Meistaradeildinni í gær. Lögfræðingar Barcelona skoða nú þann möguleika að kæra Mourinho fyrir ummælin.
Mourinho ýjaði að samsæri eftir leikinn í gær og sagði að það væri gaman að sjá Barcelona vinna Meistaradeildina á heiðarlegan hátt.
"Lögfræðingar okkar munu fara yfir ummælin og síðan ákveða hvort við skjótum ummælunum til UEFA," segir á heimasíðu Barcelona.
Mourinho var rekinn upp í stúku í gær fyrir mótmæli sem einkenndust reyndar af hrokalátum.
Breiðablik
Víkingur R.
