Einar Andri: Gerum allt til að landa titlinum

„Þetta er góð staða sem við erum komnir í og liðið hefur sýnt flottan karakter í þessum fyrstu leikjum,“ sagði Einar Andri Einarsson, annar þjálfari FH, eftir sigurinn í kvöld.

„Þetta hafa verið svakalega spennandi leikir og það er ofboðslega stutt á milli hláturs og gráts í þessu sporti“.

„Þetta var bara virkilega skemmtilegur handboltaleikur í kvöld, mikill hraði og miklu meira tempó en í síðasta leik“.

„Við lítum bara á hvern leik sem verkefni og pössum okkur á því að vera á jörðinni,“ sagði Einar Andri.

„Við ætlum okkur að gera allt sem við getum til þess að verða Íslandsmeistarar á sunnudaginn, en það verður án efa erfitt“.