Vettel vann annan sigurinn í röð

Sebastian Vettel hjá Red Bull vann sinn annnan sigur inn í röð á árinu, með því að koma fyrstur í endamark í Formúlu 1 mótinu á Sepang brautinni í Malasíu í dag. Hann varð á undan Jenson Button á McLaren, en Nick Heidfeld á Renault varð þriðji. Vettel vann einnig fyrsta mót ársins í Ástralíu.

Keppnin á Sepang var mjög tilþrifamikil og rigning sem spáð leit aldrei dagsins ljós, en slagurinn um fyrsta sætið var milli Red Bull og McLaren og Sebastian Vettel og Lewis Hamilton til að byrja með og um tíma var munurinn minna en fjórar sekúndur samkvæmt frétt á autosport.com.



KERS kerfið sem ökumenn nota til að fá aukahestöfl virkaði ekki í bíl Vettels sem skyldi og honum var sagt að nota það ekki af liðsmönnum sínum, en keppinautar hans hjá McLaren vildu reyna nýta sér þann veikleika. En Vettel varð ekki ógnað, þrátt fyrir bilun í bílnum.

Button óx ásmeginn og í síðari hluta mótsins náði hann þriðja sætinu af Alonso í kringum þjónustuhlé og í næsta þjónustuhléi náði hann að skáka Hamilton eftir að hafa náð góðum aksturstímum á undan. En Hamilton var í vandræðum með vinstra framdekk.

Alonso barðist eftir þetta við Hamilton um þriðja sætið, sem endaði með því að þeir rákust saman og Alonso þurfti auka þjónustuhlé.

Heidfeld náði Hamilton á lokasprettinum, í slag þriðja sætið og fór framúr með notkun stillanlegs afturvængs og var svo í miklum slag í lokahringjunum í við Mark Webber, sem hafði byrjað illa í rásmarkinu vegna óvirks KERS kerfis.

Webber hafði áður rennt sér framúr Hamilton, sem skautaði útaf brautinni og þurfti fjórða þjónustuhléið vegna gripleysis dekkjanna.

Vettel kom 3.2 sekúndum á undan Button í endamark og Heidfeld varðist öllum atlögum Webbers.

Lokastaðan

1. Vettel Red Bull-Renault 1:37:39.832

2. Button McLaren-Mercedes + 3.261

3. Heidfeld Renault + 25.075

4. Webber Red Bull-Renault + 26.384

5. Massa Ferrari + 36.958

6. Alonso Ferrari + 37.248

7. Hamilton McLaren-Mercedes + 49.957

8. Kobayashi Sauber-Ferrari + 1:07.239

9. Schumacher Mercedes + 1:24.896

10. Di Resta Force India-Mercedes + 1:31.563

Stigakeppnin

Ökumenn Bílasmiðir

1. Vettel 50 1. Red Bull-Renault 72

2. Button 26 2. McLaren-Mercedes 50

3. Hamilton 24 3. Ferrari 32

4. Webber 22 4. Renault 30

5. Alonso 20 5. Sauber-Ferrari 14

6. Petrov 15 6. Mercedes 2

7. Heidfeld 15 7. Toro Rosso-Ferrari 1

8. Massa 12 8. Force India-Mercedes 1