Ragna tapaði naumlega og er úr leik í Sviss

Ragna Ingólfsdóttir, Íslandsmeistari í einliðaleik kvenna í badminton, er úr leik á opna svissneska meistaramótinu. Ragna lék gegn Carolina Marin frá Spáni sem er í 67. sæti heimslistans og tapaði Ragna naumlega eftir að hafa unnið fyrstu lotuna 21-19.

Marin hafði betur í næstu tveimur lotum 15-21, og 17-19. Þetta er í annað sinn sem Ragna tapar fyrir Marin á alþjóðlegu móti en viðureignir þeirra hafa ávallt verið jafnar og spennandi – en þess má geta að Ragna er í 73. sæti heimslistans.