Mourinho ómeiddur eftir hnífaárás

Maður vopnaður hnífi er sagður hafa ráðist að Jose Mourinho, knattspyrnustjóra Real Madrid, á flugvelli á Spáni í síðustu viku.

Mourinho var að gefa aðdáendum sínum eiginhandaáritun þegar að árásin átti sér stað en öryggisvörður Mourinho fékk um fjögurra sentimetra skurð í henni.

Árásin átti sér stað á flugvellinum í La Coruna í norðurhluta Spáni á föstudaginn í síðustu viku en frá þessu var fyrst greint í dag.

Samkvæmt fréttum mun öryggisvörðurinn ekki hafa áttað sig á sári sínu fyrr en að hann var kominn upp í rútu liðsins.