Van Persie: Rauða spjaldið var brandari

Robin Van Persie, framherji Arsenal, var allt annað en sáttur við rauða spjaldið sem hann fékk í leiknum gegn Barcelona í Meistaradeildinni í kvöld.

"Rauða spjaldið hafði mikil áhrif á leikinn. Þá var staðan 1-1 og allt opið. Þetta rauða spjald var algjör brandari," sagði Persie reiður.

"Hvernig átti ég að heyra í flautunni þegar það eru 95 þúsund manns að öskra á vellinum? Það var aðeins ein sekúnda frá flautinu og þar til ég sparkaði.

"Ég reyndi að útskýra þetta fyrir dómaranum en hann vildi ekki hlusta. Hann var lélegur í allt kvöld og dæmdi grimmt gegn okkur."