Vettel rúmlega sekúndu fljótari en Alonso

Sebastian Vettel á Red Bull var með besta tíma á æfingu Formúlu 1 liða á Barcelona brautinni á Spáni í dag. Þrettán ökumenn tóku þátt í akstri um Barcleona brautina, en keppnisliðin æfa næstu þrjá daga til viðbótar á brautinni.

Fernando Alonso á Ferrari var næstfljótastur um brautina á eftir Vettel og var 1.111 sekúndu á eftir honum.

Hægt er að fylgjast með æfingatímum í beinni útsendingu á autosport.com, en í frétt á þeirri vefsíðu kemur m.a. fram að brautin var blaut fram að hádegi, eftir mikla rigningu á fimmtudag.

Æfingin gekk brösulega hjá Vitaly Petrov hjá Lotus Renault þar sem bilun í KERS kerfi bílsins hindraði að hann gæti ekið mikið, en liðsfélagi hans Nick Heidfeld hafði áður æft þjónustuhlé.

Tímarnir í dag

1. Sebastian Vettel Red Bull-Renault        1m24.374s 37

2. Fernando Alonso Ferrari                       1m25.485s + 1.111s 101

3. Jaime Alguersuari Toro Rosso-Ferrari   1m25.638s + 1.264s 57

4. Kamui Kobayashi Sauber-Ferrari          1m25.641s + 1.267s 78

5. Jenson Button McLaren-Mercedes        1m26.365s + 1.991s 77

6. Paul di Resta Force India-Mercedes     1m26.575s + 2.201s 26

7. Rubens Barrichello Williams-Cosworth 1m26.912s + 2.538s 52

8. Michael Schumacher Mercedes             1m27.512s + 3.138s 90

9. Narain Karthikeyan HRT-Cosworth       1m28.393s + 4.019s 116

10. Heikki Kovalainen Lotus-Renault        1m30.065s + 5.691s 54

11. Jerome D'Ambrosio Virgin-Cosworth  1m30.950s + 6.576s 116

12. Vitaly Petrov Renault                         1m35.174s + 10.800s 20

13. Nick Heidfeld Renault                         1m44.324s + 19.950s 2