Vettel: Titilbaráttunni ekki lokið

Sebastian Vettel hjá Red Bull er ekkert búinn að gefa titilvonir sínar upp á bátinn þó hann hafi misst af mögulegum sigri vegna vélarbilunnar í gær. Hann var í forystu í mótinu í Suður Kóreu þegar vélin gaf sig í 45 hring af 55.

Fernando Alonso á Ferrari vann mótið og náði forystu í stigamótinu, en fimm ökumenn geta enn orðið heimsmeistararar, þegar tveimur mótum er ólokið. Mótið í Suður Kóreu tafðist verulega vegna rigningar og þurfti auk þess að endurræsa nokkrum sinnum vegna óhappa. En hvernig leið Vettel þegar vélin sprakk. Hann ræddi málið á f1.com.

"Í fyrstu vonaði ég að vandamálið hyrfi bara. En hugur minn sagði mér líka að þegar fjórir cylindrar gefast upp að þá er stutt í hvítan reyk og þá er ekkert hægt að gera. Það var ekki auðvelt að vera í foyrstu við þessar aðstæður. Maður hefur engan fyrir framan sig til að taka mið af í bleytunni. En svona er lífið", sagði Vettel.

Vettel vildi ekki meina að þetta væri hans erfiðasta stund í kappakstri. Þó dýrmæt stig hefðu farið forgörðum, mitt í baráttunni um meistaratitilinn.

"Það er enn möguleiki á titlinum. Vissulega hefði verið auðveldara að vinna....", sagði Vettel.

Vettel er 25 stigum á eftir Alonso, sem er með 231 stig í keppni ökumanna. Mark Webber er með 220, Lewis Hamilton 210, Sebastian Vettel 206 og Jenson Button 189. Hvernig metur Vettel stöðuna?

"Stundum þarf maður að vera heppinn og Fernando var mjög heppinn. Gæfa okkar hefur verið upp og niður of oft og við getum ekki breytt því. Við tökum því sem að höndum ber. Það þýðir ekki að vera vonsvikinn. Við höfðum skilað okkar og ég hefði ekki getað gert betur."

Vettel telur ekki þörf á að breyta um keppnisaðferð í ljósi stöðunnar í stigamótinu fyrir næstu mót.

Hann kveðst viss um að ef hann hefði lokið keppni hefði hann nælt í 25 stig.

"Keppninni um titilinn er ekki lokið. Við skulum bíða og sjá hvað gerist þegar köflótta flaggið fellur birtist í Abu Dhabi", sagði Vettel.