Berglind: Skemmtilegt fyrir okkur og áhorfendur

Berglind Hansdóttir er markvörður og fyrirliði kvennaliðs Vals sem leikur í dag við Fram í úrslitaleik Eimskips-bikarsins. Leikurinn hefst klukkan 13:30 í Laugardalshöllinni.

„Þetta er leikur sem allir sem æfa handbolta vilja komast í," segir Berglind. „Þetta er ótrúlega skemmtilegt og við erum mjög spenntar."

„Fram er með ótrúlega gott lið og leikirnar við þær í vetur hafa verið mjög spennandi. Annar endaði með jafntefli og hinn unnum við naumlega. Þetta verður skemmtilegt fyrir okkur og áhorfendur."

„Fram hefur svipað lið og við. Þær spila mjög hratt og það er mikilvægt að við ljúkum okkar sóknum með skoti, séum ekki að missa þær í mörg hraðaupphlaup."