Gylfi Þór Sigurðsson kom inn á sem varamaður hjá Hoffenheim sem tapaði fyrir Hamburg, 2-1, í þýsku úrvalsdeildinni í dag.
Það kom á óvart að Gylfi skuli ekki hafa verið í byrjunarliðinu í dag en Hoffenheim komst yfir með marki á vítaspyrnu á sjöttu mínútu leiksins.
Heiko Westermann og Mladen Petric skoruðu svo fyrir Hamburg sem var án margra sterka leikmanna í dag.
Ófarir Bayern München héldu áfram í dag en liðið mátti þakka fyrir 3-3 jafntefli gegn botnliði Gladbach í dag. Mario Gomez, Bastian Schweinsteiger og Phillip Lahm skoruðu mörk Bayern í dag.
Mainz mistókst að komast á topp deildarinnar en liðið tapaði fyrir Freiburg, 1-0.
Bayern er í níunda sæti deildarinnar með sextán stig en Hoffenheim er í fjórða með átján stig.
Úrslit dagsins:
Gladbach - Bayern 3-3
Frankfurt - Wolfsburg 3-1
Freiburg - Mainz 1-0
Hamburg - Hoffenheim 2-1
Nürnberg - Köln 3-1
