Seagal sakaður um kynferðislega áreitni

Ung kona hefur kært hasarstjörnuna Steven Seagal fyrir kynferðislegt áreiti á vinnustað. Stúlkan sótti um starf aðstoðarkonu Seagals en komst að því fyrsta vinnudaginn hvað fólst í starfi aðstoðarkonu.

„Herra Seagal hafði ráðið til sín tvær ungar, rússneskar konur sem voru boðnar og búnar að sinna öllum hans þörfum. Önnur stúlkan hafði þó hætt stuttu áður og ég átti að fylla hennar skarð," segir Kayden Nguyen í kæru sinni.

Hún segir jafnframt að Seagal hafi hagað sér ósæmilega í hennar garð og gerst nokkuð ástleitinn. Hann á meðal annars að hafa fullyrt að eiginkonu hans væri kunnugt um aðstæður og stæði á sama. Nguyen fer fram á eina milljón Bandaríkjadala í skaðabætur.