Eldgosið á Fimmvörðuhálsi hefur einnig áhrif á íþróttalífið hér heima. Allt innanlandsflug var fellt niður og því gat handboltalið Akureyrar ekki flogið suður en liðið á mæta Gróttu klukkan 16 í dag.
Akureyringar brugðust við þessum tíðindum með því að leigja nokkra bílaleigubíla og keyra suður í leikinn.
Að því er fram kemur á heimasíðu Akureyrarliðsins þá var liðið á Blönduósi í hádeginu og nær því í leikinn á réttum tíma.
