Tiger tók stórt húsnæðislán

Skilnaður Tiger Woods við sænsku skutluna Elin Nordegren kostaði kylfinginn skildinginn. Svo illa kom skilnaðurinn við budduna hjá hinum moldríka Tiger að hann neyddist til þess að taka lán fyrir húsinu sem hann er að byggja.

Tiger tók lán upp á 36 milljónir punda aðeins nokkrum dögum eftir að skilnaðurinn var frágenginn.

Kylfingurinn er að byggja sér risastórt hús í Flórída þar sem meðal annars má finna nokkrar sundlaugar.

Nordegren mun búa nálægt Tiger enda ætla þau að ala börnin upp saman eins mikið og þau geta.

Ekki var gefið upp hvað Elin fékk í sinn hlut við skilnaðinn en talið er að það hafi verið í kringum 660 milljónir punda.