Tennisgoðsögnin Martina Navratilova greindi frá því í dag að hún væri með brjóstakrabbamein. Þrátt fyrir það býst hún við því að ná fullum bata.
Navratilova sagðist hafa verið greind með krabbameinið í febrúar. „Ég brotnaði saman þegar ég fékk fréttirnar," sagði hin 53 ára Navratilova.
Krabbameinið var á byrjunarstigi er það greindist og því náðist að koma í veg fyrir frekari útbreiðslu.
Hún þarf þó að fara í geislameðferð í næsta mánuði.
