Marquez farinn til Bandaríkjanna

Rafael Marquez er genginn til liðs við New York Red Bulls frá Barcelona á Spáni. Hann fylgir þar með fótspor Thierry Henry en þeir voru liðsfélgar hjá Barcelona.

Fyrir hjá New York er Kólumbíumaðurinn Juan Pablo Angel, fyrrum leikmaður Aston Villa. Marquez hefur verið á mála hjá Barcelona undanfarin sjö ár.

„Rafael hefur sýnt að hann er einn besti leikmaður heims," sagði Dietmar Beiersdorfer, einn forráðamanna New York Red Bulls. „Við erum hæstánægðir með að hann skuli hafa ákveðið að koma til Red Bulls á þessum tímapunkti."