Xavi: Guardiola er rétti þjálfarinn fyrir Barcelona

Spænski miðjumaðurinn Xavi hjá Barcelona er ekkert lítið ánægður með þjálfarann sinn, Pep Guardiola.

Hann hefur óbilandi trú á Guardiola sem hann segir vera hinn fullkomna þjálfara fyrir Barcelona.

"Ég hef trú á Pep. Hann er afar tryggur, duglegur og býr yfir miklum ákafa. Hann hefur óbilandi trú á hugmyndafræði sinni. Ég veit að margir höfðu áhyggjur af reynsluleysi hans en þekking hans á félaginu hjálpaði honum," sagði Xavi um Guardiola sem var fyrirliði liðsins til margra ára.

"Pep veit hvað hann þarf að gera. Hann veit hvernig leikmönnum líður og undir hvaða pressu þeir eru. Hann þekkir umhverfið og er því hinn fullkomni þjálfari fyrir félagið."