Guðjón: Töpuðum stigi í dag

Guðjón Drengsson, leikmaður Fram, segir að liðið muni ekkert gefa eftir í baráttunni fyrir lífi sínu í deildinni. Framarar sem sitja á botni deildarinnar gerðu jafntefli við Valsmenn á heimavelli sínum 26-26.

„Mér finnst við hafa tapað stigi í dag. Þetta var miklu betra en við höfum verið að gera og margt jákvætt í okkar leik," sagði Guðjón.

„Við þurfum að gíra okkur upp í hvern einasta leik eins og við séum að fara að mæta sterkasta liði í heimi. Við munum bara bæta okkur og mæta enn betri. Varnarleikurinn var frábær í þessum leik, við vorum að berjast eins og ljón um hvern einasta bolta. Við erum á réttri leið, það vil ég meina."