Páll Baldvin Baldvinsson: Laus sæti og staðfast fólk Páll Baldvin Baldvinsson skrifar 29. apríl 2010 09:38 Rosalega sem það er erfitt að standa upp úr sætinu. Það er allt suðandi í kringum mann, endalaust kvabb.-Ha! 27 milljónir? Voru þær svona margar!-Veistu ég bara veit ekkert um þetta, það voru aðrir sem sáu um það.Af hverju það kostaði svona mikið að koma mér í embætti alþingismanns? Þetta er bara svo dýrt. Það er svo dýrt að hafa fólk í vinnu við að hringja í heilan flokk og svo verður að gefa því að borða. Ég?… Við náðum víst góðum díl við vin minn - okkar - sem á veitingastað. Lét ég hringja í allan flokkinn? Veistu hvað eru margir í honum? Nei, nei, ég - við hringdum bara í þá sem eru í kjördæminu - eða flesta. Eins marga og hringingarfólkið komst yfir. Þetta er kvöld- og helgarvinna.En annars veit ég ekkert um þetta. Það voru aðrir sem sáu um það. Styrktarfélag mitt. Jú, það ber mitt nafn. Er gaman að hafa félag um sjálfan sig? Jú, jú, þetta eru nú bara vinir mínir. Ég á marga vini. Hver ber ábyrgð á þeim rekstri? Ég get ekki svarað því. Veit ég ekki hver það var? Er ég búinn að gleyma því líka? Nei, ég er ekki svo gleyminn. Nei, ég gleymi ekki vinum mínum.Verð ég að borga til baka? það vona ég ekki. Styrktaraðilar mínir, ég meina félagsins, geta ekki ætlast til þess. Það væri fáránlegt. Hafa þeir hringt í mig? Af hverju spyrðu að því? Æ sér gjöf til gjalda - er það einhver málsháttur? Ég skil ekki svona fornmál. Greiði á móti greiða? Heldurðu að þetta sé eitthvað mafíusamfélag? Hér er allt gegnsætt og á að vera það. Ég er alveg búinn að gera grein fyrir mínu máli.Talaðu frekar við einhvern af hinum sem fengu minna. Það hlýtur að vera einfaldara að gera grein fyrir því bókhaldi - það er allt minna. Fékk ég eitthvað af þessu sjálfur? Ertu vitlaus? Ég að svíkja undan skatti. Það væri nú ósvífið af þingmanni. Annars skil ég ekki hvað þú ert að pönkast í mér. Talaðu frekar við eitthvað af Samfylkingarfólkinu - það fann upp á þessu." Viltu birta grein á Vísi? Sendu okkur póst. Senda grein Páll Baldvin Baldvinsson Mest lesið Þið voruð í partýinu líka! Gísli Sigurður Gunnlaugsson Skoðun Hverjir eru komnir með nóg? Nichole Leigh Mosty Skoðun Köllum Skjöld Íslands réttu nafni: Rasískt götugengi Ian McDonald Skoðun Að leigja okkar eigin innviði Halldóra Mogensen Skoðun Sameiginleg yfirlýsing 28 ríkja um málefni Palestínu, hvers virði er hún? Einar Ólafsson Skoðun Alltof mörg sveitarfélög á Íslandi! Gunnar Alexander Ólafsson Skoðun Lýðheilsan að veði? Willum Þór Þórsson Skoðun Veimiltítustjórn og tugþúsundir dáinna barna Viðar Hreinsson Skoðun Evrópusambandsaðild - valdefling íslensks almennings Magnús Árni Skjöld Magnússon Skoðun Málþóf sem valdníðsla Einar G. Harðarson Skoðun
Rosalega sem það er erfitt að standa upp úr sætinu. Það er allt suðandi í kringum mann, endalaust kvabb.-Ha! 27 milljónir? Voru þær svona margar!-Veistu ég bara veit ekkert um þetta, það voru aðrir sem sáu um það.Af hverju það kostaði svona mikið að koma mér í embætti alþingismanns? Þetta er bara svo dýrt. Það er svo dýrt að hafa fólk í vinnu við að hringja í heilan flokk og svo verður að gefa því að borða. Ég?… Við náðum víst góðum díl við vin minn - okkar - sem á veitingastað. Lét ég hringja í allan flokkinn? Veistu hvað eru margir í honum? Nei, nei, ég - við hringdum bara í þá sem eru í kjördæminu - eða flesta. Eins marga og hringingarfólkið komst yfir. Þetta er kvöld- og helgarvinna.En annars veit ég ekkert um þetta. Það voru aðrir sem sáu um það. Styrktarfélag mitt. Jú, það ber mitt nafn. Er gaman að hafa félag um sjálfan sig? Jú, jú, þetta eru nú bara vinir mínir. Ég á marga vini. Hver ber ábyrgð á þeim rekstri? Ég get ekki svarað því. Veit ég ekki hver það var? Er ég búinn að gleyma því líka? Nei, ég er ekki svo gleyminn. Nei, ég gleymi ekki vinum mínum.Verð ég að borga til baka? það vona ég ekki. Styrktaraðilar mínir, ég meina félagsins, geta ekki ætlast til þess. Það væri fáránlegt. Hafa þeir hringt í mig? Af hverju spyrðu að því? Æ sér gjöf til gjalda - er það einhver málsháttur? Ég skil ekki svona fornmál. Greiði á móti greiða? Heldurðu að þetta sé eitthvað mafíusamfélag? Hér er allt gegnsætt og á að vera það. Ég er alveg búinn að gera grein fyrir mínu máli.Talaðu frekar við einhvern af hinum sem fengu minna. Það hlýtur að vera einfaldara að gera grein fyrir því bókhaldi - það er allt minna. Fékk ég eitthvað af þessu sjálfur? Ertu vitlaus? Ég að svíkja undan skatti. Það væri nú ósvífið af þingmanni. Annars skil ég ekki hvað þú ert að pönkast í mér. Talaðu frekar við eitthvað af Samfylkingarfólkinu - það fann upp á þessu."