GSÍ eflir verkefni afrekskylfinga á nýjan leik

Golfsamband Íslands hefur ákveðið að efla á nýjan leik verkefni afrekskylfinga frá Íslandi. Verkefnin voru skorin niður á síðasta ári vegna efnahagsástandsins.

Verkefnin sem GSÍ mun ráðast í á þessu ári eru meðal annars Evrópumót karla og kvenna, þar sem send eru lið bæði í karla og kvennaflokki. Sex leikmenn skipa liðið í hvorum flokki.

Í Ungverjalandi verða íslenskir kylfingar í júlí á European Young Masters þar sem 16 ára og yngri keppa og 18 ára og yngri keppa svo í Duke of York í september.

Þá verða sendir sex keppendur, þrjár konur og þrír karlar, á Heimsmeistaramótið í Argentínu í október. Líklegt er að þar verði fyrirferðamiklir kylfingar sem stunda nám í Bandaríkjunum, þar sem töluvert ódýrara er að senda þá þaðan heldur en alla leið frá Íslandi.

Auk þessa verkefna er GSÍ að skoða fleiri verkefni til að senda íslenska kylfinga í.