Fyrrum klámmyndastjarna birtir sms frá Tiger

Joslyn James, fyrrum klámmyndastjarna, hefur birt yfir 100 sms-skilaboð sem hún segir vera frá Tiger Woods á heimasíðu sinni til þess að sanna að hún hafi átt í kynferðislegu sambandi við kylfinginn.

Hún hefur enn fremur hótað að birta enn fleiri skilaboð á síðunni. Þau skilaboð séu grófari og feli í sér meiri niðurlægingu fyrir Tiger.

Sum skilaboðin sem birt eru á síðunni eru af grófari gerðinni og benda til þess að Tiger vilji hafa hlutina í grófari kantinum.

Klámmyndastjarnan neitar því að hún sé með þessu að ná sér niður á Tiger fyrir að hafa bundið enda á það sem hún segir að hafi verið þriggja ára samband.

„Ég vil bara að fólk fái að sjá og vita sannleikann í þessu máli. Ég vil ekki að fólk dæmi bara mig af því að hafa haldið við giftan mann," sagði James sem heitir reyndar Veronica Siwik-Daniels.

Hún segist hafa fengið yfir 1.000 sms frá Tiger.