Gerrard og Torres ekki með Liverpool á morgun

Liverpool á erfitt verkefni fyrir höndum í Evrópudeildinni á morgun er liðið fer til Tyrklands og ver 1-0 forskot sitt út fyrri leiknum.

Það þarf liðið að gera án stjarnanna sinna - Fernando Torres og Steven Gerrard - en þeir eru báðir frá vegna meiðsla.

Gerrard er slæmur í bakinu og Torres þarf að hvíla enda að jafna sig eftir meiðsli. Fastlega er þó búist við þeim í leiknum gegn WBA um helgina.

Daniel Agger og Maxi Rodriguez eru einnig fjarri góðu gamni sem og vandræðapésinn Javier Mascherano.