Öruggur sigur Fram

Fram vann öruggan sigur á HK í N1-deild kvenna í dag, 35-27, eftir að hafa verið með átta marka forystu í hálfleik.

Karen Knútsdóttir var markahæst leikmanna Fram með níu mörk en Pavla Nevalirova skoraði sjö. Hjá HK var Elísa Ósk Viðarsdóttir markahæst með tíu mörk.

Þá vann Stjarnan sigur á Fylki á sama tíma, 26-20.

Fram er í öðru sæti deildarinnar með 21 stig, einu á eftir toppliði Vals.

Stjarnan er nú komið upp í þriðja sæti deildarinnar með sautján stig en á leik til góða. Fylkir er í sjötta sæti með átta stig og HK með fimm stig í sjöunda sæti.