Formúla 1

Mosley: Refsa þarf Ferrari meira fyrir brot við liðsskipunum

Max Mosley vill að Fernando Alonso tapi stigum sem hann vann í Þ'yskalandi á dögunum.
Max Mosley vill að Fernando Alonso tapi stigum sem hann vann í Þ'yskalandi á dögunum. Mynd: Getty Images

Max Mosley, fyrrum forseti FIA segir að refsa þurfi Ferrari fyrir að brjóta bann við liðsskipunum í þýska kappakstrinum í sumar.

Málið verður tekið fyrir 8. september af FIA, en Felipe Massa hleypti Fernando Alonso framúr sér í mótinu og gaf þannig eftir fyrsta sætið.

Ferrari fékk 100.000 dala sekt fyrir tiltækið og málinu var vísað áfram til FIA. Mosley telur að refsa þurfi Ferrari enn frekar. Hann telur líka að bann við liðsskipunum þurfi að vera áfram.

"Flest lið eru fylgjandi því að banninu verði aflétt, en til að sinna þörfum áhorfenda þá þarf bannið að standa. Það þarf að refsa af hörku fyrir brot af þessu tagi", sagði Mosley í frétt í Welt am Sontag í Þýskalandi, en autosport.com greinir frá þessu í dag.

"Báðir ökumenn og liðið ætti að tapa stigum sem liðið vann sér í inn í mótinu. Ég mun ekki mæla með einu eða neinu, en staðreyndin er sú að það ætti að vera meiri refsing en peningasekt", sagði Mosley.







Mest lesið


Fleiri fréttir

Sjá meira


×

Mest lesið