Tiger í þriðja sæti á Masters

Tiger Woods lék aftur vel á öðum keppnisdegi á Masters-mótinu í golfi. Tiger kom í hús á 70 höggum, eða tveim undir pari og er sem stendur í þriðja sæti ásamt KJ Choi.

Tiger fékk 14 pör í dag, þrjá fugla og einn skolla. Hann er því samtals á sex höggum undir pari.

Lee Westwood er efstur sem stendur á 9 höggum undir pari en hann hefur lokið við að spila 11 holur í dag. Ian Poulter næstur á 8 höggum undir pari og hann hefur lokið leik í dag.

Forystusauðurinn frá því í gær, Fred Couples, missti flugið í dag og lék á 75 höggum eða 3 höggum yfir pari.