Barcelona ætlar að bjóða Iniesta og Messi nýja og betri samninga

Txiki Beguristain, yfirmaður knattspyrnumála hjá Barcelona, hefur staðfest að félagið ætli að verðlauna stjörnuleikmennina Andres Iniesta og Lionel Messi með nýjum og betri samningum á næstunni.

„Messi er besti leikmaður í heimi og því viljum við gera allt til þess að halda honum sem lengst á Nývangi. Iniesta fær líka nýjan samning í samræmi við mikilvægi hans fyrir félagið. Við viljum halda sömu mönnum og gerðu það gott á síðustu leiktíð," segir Beguristain.

Iniesta og Messi fylgja því væntanlega eftir þeim Victor Valdes, Yaya Toure og Xavi sem skrifuðu nýlega undir nýja samninga við Spánar -og Meistaradeildarmeistarana.