Eiður Smári Guðjohnsen lék í dag síðari hálfleikinn með Barcelona sem burstaði Al Ahly frá Egyptalandi 4-1. Leikurinn var hluti af Wembley-Cup æfingamótinu.
Bojan Krkic, Pedro Rodriguez, Jeffren Suarez og Jose Maria Rueda skoruðu fyrir Börsunga í dag en flestar stærstu stjörnur liðsins voru hvíldar í dag og minni spámönnum gefið tækifæri.
Fjöldi æfingaleikja voru á dagskrá í dag. River Plate vann 1-0 sigur á Everton, Kieran Richardson skoraði bæði mörk Sunderland sem vann Atletico Madrid 2-0 og Tottenham tapaði fyrir Celtic 0-2 svo eitthvað sé nefnt.
