Raul bætti met Di Stefano

Raul bætti í kvöld met goðsagnarinnar Alfredo di Stefano er hann skoraði tvívegis í 4-0 sigri á Sporting Gijon í spænsku úrvalsdeildinni.

Þar með hefur Raul skorað alls 309 mörk fyrir félagið í öllum keppnum en hann var þegar búinn að jafna met di Stefano er hann skoraði sitt 307. mark.

Raul skoraði sitt fyrsta mark fyrir Real Madrid árið 1994 en di Stefano skoraði sín 307 mörk á árunum 1953 til 1964. Sá síðarnefndi er almennt talinn einn allra besti knattspyrnumaður allra tíma.

Raul og Di Stefano hafa nú báðir skorað 216 deildarmörk á sínum ferlum. Raul bætir því það met með næsta deildarmarki sem hann skorar.