Leikið í N1-deild kvenna í dag

N1-deild kvenna heldur áfram í dag þegar önnur umferð hefst með þremur leikjum. FH tekur á móti KA/Þór í Kaplakrika en þetta er fyrsti leikur Hafnarfjarðastúlkna í deildinni þar sem þær sátu hjá þegar fyrsta umferð var leikinn fyrr í vikunni.

Haukar taka á móti HK að Ásvöllum en bæði lið unnu leiki sína í fyrstu umferðinni. Þá tekur Valur á móti Víkingum í Vodafonehöllinni en Valsstúlkur gerðu sér lítið fyrir og skelltu Íslands -og bikarmeisturum Stjörnunnar í fyrstu umferðinni.

Leikir dagsins í N1-deild kvenna:

FH-KA/Þór, Kaplakriki kl. 16

Haukar-HK, Ásvellir kl. 16

Valur-Víkingur, Vodafonehöllin kl. 17