Eiður Smári spilaði seinni hálfleikinn sem framherji

Lionel Messi skoraði tvö mörk í 4-0 sigri Barcelona á Seattle í æfingaleik í Bandaríkjunum í nótt. Messi spilaði aðeins fyrri hálfleikinn en hin mörkin skoruðu Pedro og Jeffren.

Eiður Smári Guðjohnsen kom inn á í hálfleik og spilaði seinni hálfleikinn sem framherji. Pep Guardiola, þjálfari Barcelona, skipti öllu byrjunarliði sínu út í hálfleik en staðan var þá 2-0.

Þetta var næstsíðasti leikur Barcelona á undirbúningstímabilinu en liðið mætir Chivas á sunnudaginn kemur í San Francisco.