Valdes áfram hjá Barcelona

Markvörðurinn Victor Valdes hefur ákveðið að vera áfram í herbúðum Barcelona en hann skrifaði í gær undir nýjan samning við félagið sem gildir út leiktíðina 2014.

Málið mun hafa verið afgreitt í gærkvöldi samkvæmt heimildum spænskra fjölmiðla. Valdes fór upphaflega fram á níu milljónir evra í árslaun en stjórn félagsins mun ekki hafa verið reiðbúið að mæta þeim kröfum.

Valdes var helst orðaður við AC Milan og Manchester United þegar útlit var fyrir að hann myndi ekki vera áfram hjá Börsungum. En nú hefur þeirri óvissu verið eytt.

Búist er við því að Barcelona muni gefa út tilkynningu um málið síðar í dag.