FH ræður aðstoðarþjálfara

Handknattleiksdeild FH tilkynnti nú í kvöld að félagið hefði ráðið Guðjón Árnason sem aðstoðarþjálfara hjá meistaraflokki karla.

Guðjón er gömul FH-kempa og lék með liðinu á níunda og tíunda áratugnum. Hann vann til fjölda titla með félaginu og spilaði einnig með landsliðinu.

Guðjón var áður aðstoðarþjálfari hjá FH hjá þeim Guðmundi Karlssyni og Þorbergi Aðalsteinssyni. Hann hefur þjálfað yngri flokka hjá félaginu þess utan.

Hann verður hinum unga aðalþjálfara, Einari Andra Einarssyni, eflaust fínn liðsstyrkur á bekknum.