Rúnar: Ánægður en getum enn betur

Rúnar Sigtryggsson, þjálfari Akureyrar, var ánægður með sigur sinna manna á Fram í Safamýrinni í kvöld.

Akureyri vann öruggan níu marka sigur á Fram, 28-17, eftir að hafa verið tveimur mörkum yfir í hálfleik, 12-10.

„Markvarslan og varnarleikurinn hjá okkur var mjög góður. Hraðaupphlaupin voru ágæt en það er enn margt sem við getum bætt í sóknarleiknum okkar," sagði Rúnar við Vísi eftir leikinn. „Það er eins og okkur takist ekki að gera í leikjum það sem við höfum æft á æfingum. En það hlýtur að fara að koma að því."

„Ég er ekki efins um að það býr enn meira í þessu liði en við höfum sýnt, sérstaklega í sóknarleiknum. Það er enn stígandi í liðinu."