Florentina á leiðinni á HM í Kína - Stjörnuleikir færðir

Tveir leikir Íslandsmeistara Stjörnunnar í N1 deild kvenna í handbolta hafa verið færðir yfir á næsta ár þar sem rúmenski markvörður liðsins, Florentina Stanciu, hefur verið valin í landsliðshóp Rúmena sem er á leiðinni á HM í Kína í næsta mánuði.

Þetta er leikur Stjörnunnar og Fram, sem átti að vera 5. desember verður miðvikudaginn 6.janúar kl.19.30, og leikur FH og Stjörnunnar sem átti að vera 12 desember en verður nú þriðjudaginn 26. Janúar kl.19.30.

Þetta mun þýða að Stjörnukonur leika ekki fleiri leiki á þessu ári en næsti deildarleikur liðanna verður því 6. janúar. Þær munu síðan leika sex deildarleiki í janúar.