Þjálfari Fylkis: Leikmenn misstu móðinn

„Við lentum í miklu mótlæti og vorum komin með þriggja marka mun. Svo skipta þær um vörn og við náðum ekki að leysa það. Leikmenn misstu svo móðinn í framhaldinu sem getur gerst gegn svona sterku liði," sagði Reynir Þór Reynisson, þjálfari Fylkis, eftir tap gegn Val í dag.

Fylkir leiddi leikinn mest allan fyrri hálfleik en misstu svo leikinn í hendur heimastúlkna. Eftir það var ekki aftur snúið.

„Eftir að þær komast yfir þá verður þetta mjög erfitt og við missum móðinn en fullt af fínum sóknum í fyrri hálfleik. Ég er sáttur með vörnin og mjög ánægður með Guðrúnu, hún stóð sig frábærlega eins og hún er búin að gera í allan vetur. Þannig það jákvæða í þessu var vörn og markvarsla," sagði Reynir Þór súr á svip.