Laudrup og Aragones efstir á óskalista Atletico Madrid

Það búast flestir fastlega við því að Abel Resino verði fljótlega rekinn sem þjálfari Atletico Madrid enda hefur liðið nákvæmlega ekkert getað í upphafi tímabilsins.

Daninn Michael Laudrup er talinn líklegur arftaki Resino en gamli jálkurinn Luis Aragones hefur einnig verið orðaður við starfið.

Resino hefur aðeins stýrt Atletico til eins sigurs í fyrstu tíu leikjum vetrarins og liðinu var síðan rúllað upp af Chelsea í Meistaradeildinni í gær.

Margir spá því jafnvel að Resino fái að fjúka fyrir helgi og í síðasta lagi strax eftir helgi.