Frakkland möguleiki fyrir Eið Smára

Arnór Guðjohnsen, faðir og umboðsmaður Eiðs Smára Guðjohnsen, segir í samtali við franska fjölmiðla í dag að vel komi til greina að spila í frönsku úrvalsdeildinni.

Hann hefur helst verið orðaður við Lyon og Marseille í Frakklandi en Arnór segir að félögin hafi þó ekki haft samband við sig.

„Eiður hefur ekki enn ákveðið hvort hann ætli að fara frá Barcelona. Hann ætlar að taka sér tíma til að komast að niðurstöðu."

Eiður hefur verið orðaður við lið víða í Evrópu, svo sem Englandi, Tyrklandi, Rússlandi og Grikklandi.