Stuðningsmaður Arsenal stunginn í Róm

Stuðningsmaður Arsenal varð fyrir árás skömmu fyrir leik Roma og Arsenal í Meistaradeildinni í gærkvöld eftir því sem fram kemur í breskum miðlum í dag.

Sagt er að hann hafi villst á leið á Ólympíuleikvanginn í Róm og að stuðningsmenn ítalska liðsins hafi veist að rútu sem hann var farþegi í.

Hann mun hafa verið stunginn með hníf en lét það þó ekki aftra sér frá því að mæta og horfa á leikinn.

Frásögnum af uppákomunni ber ekki saman, en þó Knattspyrnusamband Evrópu þegar tilkynnt að þetta atvik komi ekki til með að hafa áhrif á að úrslitaleikurinn í Meistaradeildinni verði haldinn í Róm.