N1-deild karla: HK marði sigur á Stjörnunni

HK er komið með sama stigafjölda og FH og Haukar á toppi N1-deildar karla eftir nauman sigur á Stjörnunni í dag.

Lokatölur 23-21 fyrir HK í leik sem Stjarnan hefði getað fengið eitthvað úr.

Stjarnan leiddi lengstum en HK náði yfirhöndinni í síðari hálfleik. Vilhjálmur Halldórsson Stjörnumaður fór afar illa að ráði sínu undir lok leiksins er hann klúðraði vítakasti og kastaði svo frá sér boltanum.

HK fékk því síðustu sókn leiksins og úr henni skoraði Valdimar Þórsson.

HK-Stjarnan 23-21

Mörk HK: Valdimar Þórsson 9, Ragnar Hjaltested 4, Atli Ævar Ingólfsson 3, Bjarki Gunnarsson 1, Hákon Bridde 1, Bjarki Elísson 1, Ólafur Víðir Ólafsson 1, Sverrir Hermannsson 1, Jón Björgvin Pétursson 1, Vilhelm Gauti Bergsveinsson 1.

Mörk Stjörnunnar: Þórólfur Nielsen 4, Kristján Kristjánsson 4, Jón Arnar Jónsson 4, Sverrir Eyjólfsson 3, Daníel Einarsson 3, Vilhjálmur Halldórsson 2, Guðmundur Guðmundsson 1.