Fyrsti sigur Fylkis

Fylkir vann í dag sinn fyrsta sigur í N1-deild kvenna er liðið lagði Fram, 25-18. Þrír leikir fóru fram í deildinni í dag.

Þetta var fyrsti leikur Fylkis síðan að Aðalsteinn Eyjólfsson hætti með liðið en hann er nú fluttur til Þýskalands þar sem hann stýrir liði í þýsku C-deildinni.

HK vann FH með átta marka mun, 34-26. Þá vann topplið Hauka stórsigur á Gróttu á útivelli, 37-18.

Fram og HK eru í 4.-5. sæti með átta stig og FH í því sjötta með sex. Grótta er með fjögur stig og Fylkir er enn í neðsta sæti en nú með tvö stig.