Ferenc Buday hefur látið af störfum sem þjálfari Fram í DHL-deild karla en samningur hans átti að renna út í sumar. Viggó Sigurðsson mun taka við liðinu í lok tímabilsins en þangað til stýrir Magnús Jónsson liðinu.
Buday kvaddi leikmenn á æfingu í gær en undir hans stjórn komst liðið í úrslit bikarkeppninnar og í 16-liða úrslit Áskorendakeppni Evrópu. Liðið varð einnig deildarbikarmeistari á milli jóla og nýárs en Buday var þá í fríi í heimalandi sínu og stýrði Magnús liðinu þá.
Fram er í þriðja sæti deildarinnar sem stendur með 28 stig, rétt eins og HK sem er í öðru sæti. Haukar eiga titilinn næsta vísan en liðið er með 36 stig.
