Messi gæti farið til Argentínu

Til greina kemur að Argentínumaðurinn Lionel Messi fari til heimalandsins í tvær vikur á meðan hann jafnar sig af meiðslunum sem hann varð fyrir í vikunni. Messi verður frá í sex vikur og sumir leiða líkum að því að meiðslavandræði hans séu farin að setjast á sálina.

Endurhæfing leikmannsins skiptist í þrjá tveggja vikna hluta og fyrsti og síðasti hlutinn fara fram á æfingasvæði Barcelona. Miðhlutinn gæti þó hugsanlega farið fram í Argentínu og þá myndi ungstirnið væntanlega snúa til heimabæjar síns Rosario að því er fram kemur í spænskum fjölmiðlum.