Jose Mourinho segist enn þykja vænt um Chelsea en sé ekki í vafa um hvað hann vilji gera ef hann mætir liðinu í framtíðinni.
Haft er eftir honum á fréttavef BBC að ef hann mætir þeim síðar í Meistaradeildinni, muni hann „slátra" þeim. „Það eru mín skilaboð," sagði Mourinho sem notaði enska orðið „kill" í þessu samhengi.
„Chelsea er enn hluti af mér og ég geymi félagið í hjarta mínu," bætti hann við. „Ég fór frá félaginu fyrir fimm mánuðum og þú fengir mig aldrei til að segja neitt slæmt um félagið, hvorki nú né í framtíðinni."
Í frétt hér á Vísi fyrr í dag kom fram að Mourinho hafi sagt við ítalska fjölmiðla að hann ætlaði sér að snúa aftur í þjálfun á næsta ári og þá annað hvort á Ítalíu og Spáni.
Hann neitaði því einnig að samband hans við eiganda Chelsea, Roman Abramovic, væri slæmt. „Ég talaði við hann og Peter Kenyon síðast í síðustu viku. Ég óskaði þeim alls hins besta því ég vil að þeim gangi vel."
Mourinho vill slátra Chelsea
Eiríkur Stefán Ásgeirsson skrifar

Mest lesið





Guðrún kveður Rosengård
Fótbolti

Birnir Snær genginn til liðs við KA
Íslenski boltinn




Snoop Dogg orðinn einn af eigendum Swansea City
Enski boltinn