Seðlabankastjórinn heldur sæti sínu

Breska fjármálaráðuneytið hefur framlengt ráðningu Mervyn Kings, seðlabankastjóra Englandsbanka, til næstu fimm ára. Ráðningartímabil hans rennur út í júní í sumar og hafa gagnrýnendur þrýst á að nýr maður taki við skútunni.

Breska ríkisútvarpið hefur eftir Alistair Darling, að King, sem hefur verið seðlabankastjóri síðastliðin fimm ár, eigi stóran þátt í stöðugleika bresks efnahagslífs.

King segir efnahagshorfur slæmar og séu þær álíka slæmar og árið 1997. Ritstjóri viðskiptafrétta hjá breska ríkisútvarpinu segir þetta svartsýnustu ummæli sem hann hafi heyrt frá seðlabankastjóranum.