Seðlabankinn kaupir Hróarskeldubanka

Danski seðlabankinn mun leiða hóp annarra danskra fjármálafyrirtækja í kaupum á Roskilde Bank. Ástæðan er sú að annar kaupandi fannst ekki að bankanum, sem hefur rambað á barmi gjaldþrots eftir gengisfall á hlutabréfamörkuðum og mikilla afskrifta á fasteignalánum.

Kaupverð nemur 4,5 milljörðum danskra króna, jafnvirði 72,7 milljarða íslenskra auk þess sem kaupendur taka til sín skuldir Roskilde Bank upp á 37,3 milljarða danskra króna, að sögn Bloomberg-fréttaveitunnar.

Lokað hefur verið viðskipti með hlutabréf í Roskilde Bank, sem skráð eru í OMX-kauphöllina í Kaupmannahöfn auk þess sem skrúfað hefur verið með skuldabréfaviðskipti bankans í Noregi og Írlandi. Þau hafa fallið um 75 prósent það sem af er árs.

Roskilde Bank hefur afskrifa gríðarháar fjárhæðir úr bókum sínum vegna afskrifta á fasteignalánum, sem hefur valdið því að tap bankans hljóðar upp á einn milljarð króna, jafnvirði sextán milljarða íslenskra króna, á fyrri helmingi árs. Seðlabankinn hefur áður boðið Roskilde Bank að sækja sér ótakmarkað lánsfé úr hirslum hans til að bæta í brunnar bækurnar. Þá höfðu samtök danskra banka og fjármálafyrirtækja gert Roskilde Bank kleift að sækja sér sé til að vega upp á móti tapi upp á 750 milljónir danskra króna.