Ármann Smári Björnsson var hetja Brann í dag þegar hann skaut liðinu í þriðju umferð forkeppni Meistaradeildar Evrópu. Brann tapaði fyrir Ventspils frá Lettlandi 2-1 en komst áfram á útivallarmarki.
Brann vann fyrri leikinn 1-0 í Noregi en það leit ekki vel út þegar Lettarnir komust í 2-0 í seinni leiknum í dag. Ármann Smári kom inn sem varamaður í hálfleik og náði að skora á 49. mínútu þegar boltinn féll fyrir fætur hans eftir hornspyrnu.
Ventspils lék manni færri frá 16. mínútu eftir að einn leikmaður þeirra fékk beint rautt spjald. Ólafur Örn Bjarnason lék allan leikinn með Brann en Gylfi Einarsson var ónotaður varamaður.
Brann mun mæta franska liðinu Marseille í næstu umferð.
