Ingvar Árnason hefur framlengt samning sinn við handknattleiksdeild Vals til ársins 2011 en hann hefur leikið með Val allan sinn feril.
Í fyrra varð hann Íslandsmeistari með meistaraflokki karla og bikarmeistari nú í vetur. Hann hefur undanfarin þrjú ár einnig orðið Íslandsmeistari í 2. flokki karla.
Hann á einnig að baki leiki með öllum yngri landsliðum Íslands. Hann er línumaður og þykir sterkur varnarmaður.
