Kaupþingsmótaröðin að hefjast

Golfssamband Íslands hefur skrifað undir samning við Kaupþing banka vegna íslensku mótaraðarinnar í golfi og mun Íslandsmótið ganga undir nafninu, Kaupþingsmótaröðin. Fyrsta mót sumarsins fer fram á Garðavelli við Akranes og hefst á laugardaginn en 123 keppendur eru skráðir til leiks.

Kylfingar á mótaröðinni greiddu atkvæði og spáðu í gengi kylfinga í sumar. Sigurpáll Geir Sveinsson var með miklum yfirburðum spáð Íslandsmeistaraitlinum í karlaflokki. Á eftir honum komu Magnús Lárusson og Sigmundur Már Einarsson sem á titil að verja á mótaröðinni.

Í kvennaflokki er Ragnhildi Sigurðardóttur spáð Íslandsmeistaraititlinum en Tinna Jóhannsdóttir úr Keili sem spáð er öðru sætinu, hefur sett stefnuna á titilinn.

Athyglisverðar niðurstöður urðu úr kosningu kylfinga um skemmtilegasta golfvöllinn en þar hefur Vestmannaeyjavöllur vinninginn.

Eins og undanfarin ár verða sýndir sérstakir þættir um öll mót Kaupþingsmótaraðarinnar á sjónvarpsstöðinni Sýn í sumar.



Spá kylfinga fyrir Kaupþingsmótaröðina 2007

Íslandsmeistari karla:

1 Sigurpáll Geir Sveinsson      27% atkvæða

2-3 Sigmundur Már Einarsson 17% -

2-3 Magnús Lárusson             17% -

Íslandsmeistari kvenna:

1 Ragnhildur Sigurðardóttir 45% atkvæða

2 Tinna Jóhannsdóttir         28% -

3 Nína Björk Geirsdóttir      16% -

Stigameistari karla:

1 Magnús Lárusson                27% atkvæða

2 Sigurpáll Geir Sveinsson     17% -

3 Ólafur Már Sigurðsson         15% -

Stigameistari kvenna:

1 Ragnhildur Sigurðardóttir     39% atkvæða

2 Tinna Jóhannsdóttir              27% -

3 Nína Björk Geirsdóttir           15% -

Skemmtilegasti golfvöllurinn

1 Vestmannaeyjavöllur 29% atkvæða

2 Garðavöllur                 26% -

3 Grafarholtið                24% -

4 Hvaleyrarvöllur           16% -