Framsókn tapar miklu í NA-kjördæmi

Fylgi Framsóknarflokksins hrynur í Norðausturkjördæmi en Vinstri - grænir og Sjálfstæðisflokkurinn auka fylgi sitt verulega samkvæmt nýrri skoðanakönnun Capacent Gallup sem gerð var fyrir Ríkisútvarpið og Morgunblaðið.

Samkvæmt könnuninni missir Framsóknarflokkurinn tvo menn í kjördæminu frá síðustu þingkosningum, fer úr fjórum í tvo og þá minnkar fylgið úr 33 prósentum í 18.

Sjálfstæðisflokkurinn er stærstur í kjördæminu með liðlega 31 prósents fylgi og þrjá menn en bæði Samfylkingin og Vinstri - grænir mælast með um 22 prósent og fá báðir flokkar tvo menn. Aðrir flokkar ná ekki inn manni.

Könnunin tekur aðeins til kjördæmakjörinna manna en Vinstri - grænir fengu jöfnunarmann í síðustu kosningum.