Öryggisráð Sameinuðu þjóðanna samþykkti nú í kvöld nýja ályktun um refsiaðgerðir vegna kjarnorkuáætlunar Írana. Hún felur í sér bann við vopnaútflutningi frá Íran og að eignir þeirra sem koma að kjarnorku- og eldflaugaáætlun Írana verða frystar. Ahmadínadjad, Íransforseti, var ekki viðstaddur atkvæðagreiðsluna í kvöld, líkt og hann óskaði eftir. Íranar segja það vegna þess að Bandaríkjamenn hafi tafið afgreiðslu á vegabréfsáritun fyrir hann. Bandarísk stjórnvöld hafa neitað því.
